Bul - elimizde aldaǵy úsh jyldyń ishinde oryndalýy tıis meje.
Qazaqstan.tv arnasynyń «Bas taqyryp» baǵdarlamasynda bul týraly Premer-Mınıstrdiń orynbasary Altaı Kólginov aıtty, dep habarlaıdy Almaty-akshamy.kz.
Onyń barysynda «Jaıly mektep» ulttyq jobasynyń aıasynda atqarylatyn jumys jaıly áńgime órbidi. Jalpy, elimizde 240 myń oqýshyǵa oryn jetpeıdi. Áli 150 mektep úsh aýysymda jumys istep keledi. Tipti, saman kirpishten salynǵan, apatty jaǵdaıda turǵan bilim oshaqtary bar. Bul máseleler kezeń-kezeńimen «Jaıly mektep» jobasy sheńberinshe oń sheshimin tabady.
«2 trln 600 mlrd teńge tek osy mektepterdi salýǵa 2026 jylǵa deıin qarajat bekitildi. Birinshiden, «Jaıly mektep» aıasynda 400-den astam jańa mektep paıda bolady. Barlyq jaǵdaılar, talaptarmen salynady. Qosymsha qarajat kózderiniń qarastyrylýyna baılanysty, 1,5 mıllıon oqýshyǵa arnap 500-den astam mektep salynady», - dedi QR Premer-Mınıstrdiń orynbaary Altaı Kólginov.