Memleket basshysy Abu Dhabi Ports Group kompanıasynyń basqarýshy dırektory Muhammed Jýmý ál-SHamısıdi qabyldady
Kezdesý barysynda Memleket basshysy Aqtaý jáne Quryq porttaryn damytýdy Qazaqstan strategıalyq maqsat etip otyrǵanyn atap ótti, dep habarlaıdy almaty-akshamy.kz.
Qasym-Jomart Toqaev pen Muhammed Jýmý ál-SHamısı Abu Dhabi Ports Group kompanıasynyń kólik-logıstıka salasyndaǵy baı tájirıbesin eskere otyryp, osy saladaǵy ózara tıimdi qarym-qatynastyń perspektıvalaryn talqylady. Memleket basshysy Qazaqstan munaıyn Orta dáliz arqyly Ázerbaıjanǵa tasymaldaý jónindegi «QazMunaıGaz» kompanıasy men ADP arasyndaǵy yntymaqtastyqty oń baǵalady. Prezıdent Eýrazıany Shyǵanaqpen, Afrıkamen jáne Úndistanmen baılanystyratyn «Soltústik – Ońtústik» baǵdarynyń áleýetin paıdalaný jospary týraly aıtty. Onyń pikirinshe, 2027 jylǵa qaraı atalǵan baǵyttyń júk ótkizý qabileti keminde 70 paıyzǵa artyp, 9 mıllıon tonnadan 15 mıllıon tonnaǵa deıin ulǵaıýǵa tıis. Osyǵan baılanysty Qasym-Jomart Toqaev «Qazaqstan temir joly» men ADP arasynda birlesken kásiporyn qurý jónindegi ýaǵdalastyqty erekshe atap ótip, bul jobalardyń tabysty júzege asyrylýyna tilektestik bildirdi.