Memleket basshysy «Qazaqstan Respýblıkasynyń keıbir zańnamalyq aktilerine jasandy ıntellekt jáne sıfrlandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy, - dep habarlaıdy Aqshamnews.kz tilshisi Aqordaǵa silteme jasap.
Zańǵa engizilgen túzetýlerdiń birinshi blogy zańnamalyq aktilerdi «Jasandy ıntellekt týraly» Zańmen sáıkestendirýge baǵyttalǵan.
Túzetýlerdiń ekinshi blogy zańnamany ózge máseleler boıynsha jetildirýdi kózdeıdi.
Zań qamtamasyz etilmegen sıfrlyq aktıvterdiń Qazaqstan Respýblıkasynyń aýmaǵyndaǵy aınalymyn retteıdi. Buǵan deıin qamtamasyz etilmegen sıfrlik aktıvterdiń aınalymy tek «Astana» Halyqaralyq qarjy ortalyǵynyń (AHQO) aýmaǵynda ǵana ruqsat etilgen edi.
Azamattardyń jeke derekterin qorǵaý amaldaryn kúsheıtý maqsatynda jeke derekterdi óńdeýge kelisim berý merzimine qatysty talap engizildi. Endi bul merzim jeke derekterdi jınaý jáne óńdeý maqsatyna jetý úshin qajetti merzimnen aspaýǵa tıis. Sýbekt nemese onyń zańdy ókili ıesin, operatordy, úshinshi tarapty eskertip, jeke derekterdi jınaýǵa, óńdeýge bergen kelisimin qaıtaryp alýǵa quqyly.
İshki bólshek saýda sýbektileri úshin ıdentıfıkasıalyq quraldardy oqıtyn baqylaý-kassa mashınalaryn paıdalaný arqyly operasıalardy esepke alý jóninde talap qoıa otyryp, taýarlardy tańbalaý mehanızmi jetildirildi.
Birqatar túzetýler nátıjesinde aqparattyq qaýipsizdikti qamtamasyz etý talaptary kúsheıtildi.
Zańnyń mátini baspasózde jarıalanady.