Áleýmettik jelilerde Aqtóbe qalasyndaǵy mektepterde qylmys jasalýy múmkin degen aqparat tarady. Osyǵan baılanysty oblystyq Polısıa departamenti resmı túsinikteme berdi, dep habarlaıdy Aqshamnews.kz tilshisi.
Polısıa bul málimettiń shyndyqqa janaspaıtynyn atap ótip, terorızm aktisi týraly kórineý jalǵan aqparat taratý faktisi boıynsha sotqa deıingi tergep-tekserý bastalǵanyn málimdedi.
Quqyq qorǵaý organdary aqparatty taratqan tulǵalardy anyqtaý úshin jedel sharalar qabyldap jatyr. Kúdiktiler jaqyn ýaqytta tabylyp, Qazaqstan zańnamasyna sáıkes jaýapqa tartylatyny habarlandy.
Sonymen qatar, bilim berý uıymdaryndaǵy qaýipsizdik sharalary kúsheıtildi:
-
mektepterdegi beınebaqylaý júıeleriniń jumysy meılinshe baqylaýǵa alyndy,
-
oqý oryndary mańynda polısıa jasaqtarynyń sany artty.
«Azamattardy jalǵan aqparatqa senbeýge jáne tek resmı derekkózderge júginýge shaqyramyz», – delingen oblystyq PD resmı habarlamasynda.