Aqorda Qasym-Jomart Toqaevtyń osy aptadaǵy jumys josparyn jarıalady.
Aqordanyń áleýmettik jelidegi resmı paraqshasynda Prezıdent Qasym-Jomart Toqaevtyń osy aptadaǵy jumys jospary jarıalandy, dep habarlaıdy Almaty-akshamy.kz.
Memleket basshysy 22 mamyr kúni Qazaqstanǵa jumys saparymen keletin Italıa Premer-mınıstri Djordja Melonımen kezdesedi.
Sondaı-aq dál osy kúni Qasym-Jomart Toqaev elimizge memlekettik saparmen keletin Sıngapýr Prezıdenti Halıma Iakobpen kelissózder júrgizedi. Kezdesý barysynda eki eldiń saıası, saýda-ekonomıkalyq, ınvestısıalyq jáne mádenı-gýmanıtarlyq salalardaǵy yntymaqtastyq máseleleri talqylanady.
Memleket basshysy 25 mamyr kúni Joǵary Eýrazıalyq ekonomıkalyq keńestiń Máskeýde ótetin kezekti otyrysyna qatysady.