Prezıdent Qasym-Jomart Toqaev Krıstalına Georgıevaǵa iltıpat bildire otyryp, Halyqaralyq valúta qorymen 30 jyl boıy jalǵasyp kele jatqan tabysty yntymaqtastyqqa kóńili tolatynyn jetkizdi, dep habarlaıdy Almaty-akshamy.kz.
– Qormen aradaǵy yntymaqtastyǵymyz tabysty júzege asyp keledi jáne ol aldaǵy ýaqytta da jalǵasady. Qordan turaqty keńes alý múmkindigi úshin rızashylyǵymdy bildiremin. Sizdiń Qazaqstan ekonomıkasynyń damýyna qosqan úlesińiz eleýli ekeni anyq, – dedi Memleket basshysy.
Kezdesý barysynda Prezıdentke Halyqaralyq valúta qorynyń Qazaqstanǵa qatysty josparlary jóninde málimet berildi. Memleket basshysy Almaty qalasynda Áleýetti damytý jónindegi óńirlik ortalyq ashý týraly Qordyń bastamasyn qoldaıtynyn atap ótip, onyń Qazaqstan men Ortalyq Azıadaǵy qarjy júıesiniń turaqtylyǵyna zor úles qosatynyna senim bildirdi.