Qasym-Jomart Toqaev Eýropa Odaǵynyń joǵary mártebeli ókiline iltıpat bildire otyryp, elimiz mańyzdy syrtqy ekonomıkalyq jáne ınvestısıalyq seriktes retinde Uıymmen jan-jaqty strategıalyq yntymaqtastyqqa basymdyq beretinin aıtty, dep habarlaıdy aqshamnews.kz Aqordaǵa silteme jasap.
– Qazaqstan Eýropa Odaǵynyń Ortalyq Azıadaǵy negizgi áriptesi bolyp qala beredi. Ceriktestikti keńeıtý jáne yntymaqtastyq týraly kelisim bizdiń kópjosparly ózara yqpaldastyǵymyzdy tereńdetýdiń berik negizin qalaıdy, – dedi Memleket basshysy.
Iozef Sıkela kezdesý úshin Prezıdentke rızashylyǵyn jetkizip, Eýropa Odaǵy aımaqqa aıryqsha nazar aýdaryp otyrǵanyn atap ótti.
– Halyqaralyq seriktestik jónindegi komısar retinde alǵashqy saparyma basa mán beremin. Ortalyq Azıanyń bes eline kelý jóninde sheshim qabyldaýym beker emes. Bul – Eýropa Odaǵynyń Qazaqstanmen jáne aımaqtyń basqa memleketterimen anaǵurlym tereń ári ornyqty baılanys ornatýǵa nıetti ekenin aıqyn kórsetedi, – dedi eýrokomıssar.
Qasym-Jomart Toqaev pen Iozef Sıkela kólik dálizderin, logıstıkalyq ınfraqurylymdy, ornyqty energetıka men sıfrlyq sheshimderdi damytý boıynsha qazirgi ýaqytta júzege asyrylyp jatqan jáne jańa ekonomıkalyq jobalarǵa den qoıa otyryp, ekijaqty kún tártibiniń naqty máselelerin talqylady.
Sonymen qatar óńirlik jáne jahandyq ózekti máseleler jóninde pikir almasyp, halyqaralyq arenadaǵy, sonyń ishinde «Ortalyq Azıa – Eýropa Odaǵy» formaty aıasynda ádis-tásilderdi odan ári úılestirýge daıyn ekendikterin rastady.