Memleket basshysy Shyǵys Qazaqstan oblysynyń ákimi Ermek Kósherbaevty qabyldady, dep habarlaıdy almaty-akshamy.kz
Prezıdent Qasym-Jomart Toqaev kezdesý barysynda óńirdiń jańa basshysyna mańyzdy mindetter júktedi.
Atap aıtqanda, azamattardyń turmys sapasy men ál-aýqatyn odan ári arttyrý, aımaq ekonomıkasyn damytý máselelerine nazar aýdardy. Sondaı-aq ónerkásip, aýyl sharýashylyǵy, shaǵyn jáne orta kásipkerlik salalaryndaǵy turaqty ósimdi qamtamasyz etýdi tapsyrdy.
Sonymen qatar Memleket basshysy Qaton-Qaraǵaı, Marqakól aýdandaryn qaıta qurý jóninde sheshim qabyldanǵanyna toqtalyp, shekaralas aýmaqtaǵy eldi mekenderdi júıeli túrde damytý qajet ekenin aıtty.
Prezıdent oblys ákimine komýnaldyq ınfraqurylym nysandaryn jańǵyrtý, jylý elektr stansalarynyń úzdiksiz jumysyn qamtamasyz etý jáne jylytý maýsymyna daıyndyq jumystaryn pysyqtaý jóninde tapsyrma berdi.