Prezıdentke densaýlyq saqtaý salasyn jetildirý jónindegi josparyn tanystyrdy.
Qasym-Jomart Toqaevqa elimizdegi epıdemıologıalyq ahýal týraly baıandaldy, dep habarlaıdy Almaty-akshamy.kz Aqordanyń baspasóz qyzmetine silteme jasap.
Qasym-Jomart Toqaevqa elimizdegi epıdemıologıalyq ahýal týraly baıandaldy. Mınıstrdiń aıtýynsha, qańtardyń ortasynda koronavırýs ınfeksıasyn juqtyrǵandar sany táýligine 16 500 adam bolsa, búginde shamamen 1 500 adam tirkelgen. Jalpy, elimizdegi epıdemıologıalyq ahýal turaqty. Qazirgi ýaqytta stasıonarlardyń 20 paıyzynda ǵana naýqastar em alyp jatyr. Sondaı-aq Ajar Ǵınıat kóptegen shekteý sharalarynyń alynǵanyn, oqýshylardyń dástúrli oqytý júıesine, kásiporyndardaǵy jumysshylardyń oflaın jumys isteýine ruqsat berilgenin atap ótti. Vedomstvo basshysy revaksınalaý jumystaryna erekshe kóńil bólinip otyrǵanyn jetkizdi.
Mınıstr Prezıdentke densaýlyq saqtaý salasyn jetildirý jónindegi josparyn tanystyrdy. Onyń aıtýynsha, mınıstrliktiń jumys jospary eń aldymen alǵashqy medısınalyq kómekti jetildirýge, aýyl-aımaqtardaǵy densaýlyq saqtaý júıesiniń sapasyn arttyrýǵa baǵyttalǵan. Sonymen qatar bıyl Balalar jyly bolyp jarıalanǵandyqtan, balalardyń densaýlyǵyna kóp kóńil bólinedi. Atap aıtqanda, mekteptegi medısınanyń jańa tártibi men standarty qabyldanady.
Memleket basshysy mınıstrliktiń jumys baǵytyn qoldaıtynyn aıtyp, densaýlyq saqtaý salasyn odan ári damytý jónindegi jumystardy jalǵastyrýdy tapsyrdy.