Búgin Memleket basshysy respýblıkalyq referendým ótkizý týraly Jarlyqqa qol qoıdy
Qazaqstan halqyna arnaǵan beıneúndeýinde Prezıdent elimizde árbir azamattyń quqyǵy qorǵalatyn memleketke aınalatynyn aıtty, dep habarlaıdy Almaty-akshamy.kz
"Biz bárimiz bir el bolyp Jańa Qazaqstandy, Ádiletti Qazaqstandy quramyz. Árbir azamattyń quqyǵy qorǵalatyn memleket bolamyz. Bárine birdeı múmkindik beremiz. Árkim qarym-qabiletine saı qoǵamnan óz ornyn ıelenedi. Halyqtyń oı-sanasy jańǵyryp, ómir salty ózgeredi. Biz memlekettik júıeni jetildirip, qoǵam men bıliktiń tıimdi dıalogyn ornatamyz. Osylaısha, Ekinshi Respýblıkany qalyptastyramyz. Konstıtýsıalyq reforma munyń bárin tabysty júzege asyrý úshin qajet", - dedi Memleket basshysy.
Qasym-Jomart Toqaev qazaqstandyqtardy eldiń erteńi, urpaqtyń keleshegi úshin referendýmǵa qatysýǵa shaqyrdy. Ol halyqtyń ult múddesine saı bastamalardy qoldaıtynyna senim bildirdi.