Qasym-Jomart Toqaev Brazılıanyń San-Paýlý shtatynda jolaýshylar ushaǵy apatqa ushyrap, saldarynan kóptegen adamnyń qaza tabýyna baılanysty Prezıdent Lýıs Inasıý Lýla da Sılvaǵa kóńil aıtty.
Bul týraly Aqordanyń baspasóz qyzmeti málim etti, dep habarlaıdy aqshamnews.kz.
– Osyndaı aýyr sátte qaıǵy-qasiretterińizge ortaqtasyp, Qazaqstan halqynyń jáne jeke óz atymnan Sizge jáne jaqyndarynan aıyrylǵan otbasylarǵa, sondaı-aq dostas Brazılıa halqyna kóńil aıtamyn, – dep jazylǵan jedelhatta.
Eske sala keteıik, keshe Brazılıanyń San-Paýlý qalasyna jaqyn jerde Voepass kompanıasynyń jolaýshylar ushaǵy apatqa ushyraǵan edi. Kompanıanyń habarlaýynsha, ushaqta 61 adam bolǵan. Jergilikti bılik jolaýshylar men ekıpaj músheleriniń eshqaısysy tiri qalmaǵanyn jarıalaǵan edi.