Qazaqstan basshysy Bolgarıa Prezıdentiniń asa jaýapty qyzmetine tolaǵaı tabys, al dostas bolgar halqyna qut-bereke tiledi.
Qasym-Jomart Toqaev Rýmen Radevti Bolgarıa Respýblıkasynyń ulttyq merekesi – Azat etý kúnimen quttyqtady, dep habarlaıdy Almaty-akshamy.kz Aqordaǵa silteme jasap.
«Búginde Bolgarıa Eýropa Odaǵynyń belsendi múshesi retinde óziniń turaqty damý jáne halyqaralyq qaýymdastyqtaǵy bedelin arttyrý jolynda eleýli jetistikterge qol jetkizip keledi. Osy tusta Sizdiń kóshbasshylyǵyńyzben elińiz bıik maqsat-murattarǵa jete berýine tilektespin. Astana men Sofıa arasyndaǵy dástúrli dostyq pen ózara qoldaýǵa negizdelgen yntymaqtastyqtyń aıasy jyldan-jylǵa keńeıip kele jatqanyn rızashylyqpen atap ótemin. Birlesken kúsh-jigerimizdiń arqasynda elderimizdiń san qyrly baılanystary bolashaqta odan ári nyǵaıa túsetinine senimdimin», - dep jazylǵan jedelhatta.