Túrkıadaǵy jer silkinisiniń saldaryn joıýǵa qatysqan qutqarýshylar marapattaldy
6 naýryzda Tótenshe jaǵdaılar mınıstri Iýrıı Ilın Túrkıada izdestirý-qutqarý jumystaryna qatysqan Astana, Aqmola jáne Qaraǵandy oblystarynyń qutqarýshylaryna, SÁK qyzmetkerlerine marapattardy saltanatty túrde tapsyryp, Prezıdenttiń alǵysyn jarıalady, dep habarlaıdy Almaty-akshamy.kz Zakon.kz-ke silteme jasap.
Túrkıadaǵy joıqyn jer silkinisin joıý kezeńinde qyzmettik mindetterin adal atqarǵany jáne kórsetken erligi úshin barlyǵy 59 qyzmetker marapattaldy, onyń ishinde 8 qyzmetker memlekettik nagradalarǵa ıe boldy, 51 qyzmetker Qazaqstan Respýblıkasy Prezıdentiniń Alǵys hatymen jáne vedimistik nagradalarmen marapattaldy.
Mınıstr Respýblıka Prezıdentiniń atynan jáne óz atynan adam ómirin saqtap qalýǵa múmkindik bergen tótenshe jaǵdaılarda kórsetken batyldyǵy men joǵary kásibıligi úshin uıqylaryn aıamaı batyldyq tanytyp, erjúrektikpen eńbek etken barlyq marapattalǵandarǵa alǵys aıtty.
"Marapattar kóp bolyp, kóp ret qoltańba qoıý qajet bolǵanda, faksımıl (qoltańbanyń kóshirmesi) paıdalanylady. Biraq bul arada Memleket basshysy óz mindetin adal atqarǵan qyzmetkerlerge qurmet kórsetip, Túrkıadaǵy jer silkinisteriniń saldaryn joıýǵa qatysqan barlyq qutqarýshylar marapatyna jekeleı qol qoıyp shyqty. Bul da - sizder atqarǵan jumysqa degen qurmet, erekshe iltıpat. Meniń oıymsha, biz istep jatqan jumys adamdarǵa qajet ári paıdaly", - dedi Iýrıı Ilın.
Sondaı-aq ol qutqarýshylarǵa alda sý tasqyny qaýpi bar ekenin jáne ony órt qaýpi artqan kezeńdegideı, shomylý maýsymyndaǵydaı asa az shyǵyndar men táýekelder arqyly atqarý kerektigin eske salýǵa asyqty.
"Bizde beıbit ýaqytta erlik jasaýǵa kóptegen múmkindik bar. Eń bastysy, árqaısyńyz árqashan úıge aman-esen oralýlaryńyzdy tileımin", - dedi Iýrıı Ilın.
Qaraǵandy qalasynyń bas qutqarýshysy Nurǵalı Jaqıev basqa qazaqstandyq qutqarýshylarmen birge Túrkıanyń Nýrdagy qalasynda jumys istegenderin aıtty. Olar opyrylyp túsken alty qabatty úıdiń úıindisin arshyp, tazalaǵan.
"Eń qıyny úıindilerdi arshý boldy. Bul - monolıtti úı, barlyq jerde armatýra, turmystyq zattar bar, biz olardy tazalap, árdaıym úmitte boldyq. Tiriler bolsa dep, árıne. Biz úsh adamdy úıindi astynan tirideı alyp shyqtyq. Anasy, qyzy jáne er adam", - deıdi Nurǵalı Jaqıev.
Aqmola oblysy boıynsha TJD "Órt sóndirý jáne avarıalyq-qutqarý jumystary qyzmeti" MM Jedel-qutqarý jasaǵynyń bas qutqarýshysy Ǵanı Qusaıynov basqa qutqarýshylarmen birge Gazıantep qalasyndaǵy jeti qabatty úıdiń ornyndaǵy úıindini arshyp, tazalaǵan.
"Bul operasıadaǵy eń qıyny - adamdy óli kúıinde alyp shyqqanda onyń týystarynyń kózine qaraý. Bul - eń qıyn jaǵdaı, al bizdiń jumysymyzǵa keletin bolsaq, biz psıhıkalyq jáne fızıkalyq turǵydan qıyn jaǵdaıda jumys isteýge daıyn boldyq. Aldymyzǵa tapsyrma qoıyp, jumys obektisin belgiledi, odan keıin biz óz jumysymyzǵa kiristik, emosıaǵa beriletindeı kúıde bolmadyq, óıtkeni ýaqyt tyǵyz, ár sekýnd sanaýly. Ókinishke qaraı, biz eshkimdi tirideı tappadyq. 25 adamnyń denesin úıindi astynan alyp shyqtyq", - dedi Ǵanı Qusaıynov.
Ótken aptada mınıstr Túrkıadaǵy jer silkinisin joıǵan Almaty qalasyndaǵy TJM Respýblıkalyq jedel-qutqarý jasaǵynyń qutqarýshylaryn marapattady. Olarǵa memlekettik nagradalar, QR Prezıdentiniń Alǵys hattary, sondaı-aq vedimistik nagradalar - medaldar men tósbelgiler tabys etildi.
Esterińizge sala keteıik, Memleket basshysynyń tapsyrmasy boıynsha, 7 aqpanda qutqarý bólimsheleriniń kúshteri men quraldary, onyń ishinde Qazaqstan TJM qutqarýshylary, Apattar medısınasy ortalyǵynyń dárigerleri jáne kınologıalyq eseptoptar alǵashqylardyń biri bolyp eki eshelonmen jolǵa shyǵyp, eń kúrdeli qıraǵan obektilerde izdestirý-qutqarý jumystaryn júrgizýge kiristi. Qazaqstandyq qutqarýshylar tobyn TJ birinshi vıse-mınıstri Ibragım Kúlshimbaev basqardy.
Túrkıanyń úsh óńirinde izdestirý-qutqarý jumystaryn júrgizý bastalǵannan beri Qazaqstan TJM qutqarýshylarynyń kúshimen 7 adam qutqaryldy. Qaza tapqan 88 adamnyń, onyń ishinde 10 balanyń denesi shyǵaryldy.
Qazaqstan TJM Apattar medısınasy ortalyǵynyń dárigerleri de táýlik boıy zardap shekkenderge bilikti medısınalyq kómek kórsetti. Barlyq jumys kezeńinde 200-den astam jergilikti turǵyndar men qutqarýshylarǵa, onyń ishinde 30-ǵa jýyq balaǵa medısınalyq kómek kórsetildi. Jergilikti turǵyndarda stresske jedel reaksıamen, gıpotermıamen, tynys alý organdarynyń aýrýlarymen, sondaı-aq ártúrli jaraqattarmen baılanysty aýrýlar basym boldy. Pnevmokarkas modýline negizdelgen medısınalyq post izdeý nátıjelerin kútken zardap shekkenderdiń týystary úshin baspana boldy. Bul modýl qıraǵan ǵımarattardyń arasynda qalǵan adamdar úshin jylytý pýnkti retinde de paıdalanyldy.
Bizdiń kınologıalyq eseptoptarymyz izdeý-qutqarý jumystarynda da tamasha nátıjeler kórsetti jáne úıindiler astyndaǵy adamdardy izdeý kezinde ózderiniń joǵary biliktiligin rastady. Qutqarýshy ıtter - belgıalyq malınýa Djeıkob, Lıga M Sırıýs jáne Aksel, Labrador Charlı Kıng, nemis tóbeti Mırta, Grınpıs, Border Kollı nusqaýshylarmen jáne qutqarýshylar otrádtarymen birge ár adamnyń ómiri úshin birneshe kún boıy qıraǵan nysandarda jumys istedi.