Memleket basshysy Májilis depýtaty, «Ardagerler uıymy» respýblıkalyq qoǵamdyq birlestiginiń tóraǵasy, Ulttyq quryltaı múshesi Baqtyqoja İzmuhambetovti qabyldady, dep habarlaıdy almaty-akshamy.kz.
Baqtyqoja İzmuhambetov «Ardagerler uıymy» respýblıkalyq qoǵamdyq birlestiginiń atqaryp jatqan jumystary jóninde málimet berdi:
– qazir 2 joba júzege asyrylyp jatyr. Atap aıtqanda, «Dáneker» bastamasy qolǵa alynǵan. Onyń nátıjesinde sońǵy 4 jylda 6896 daýdyń 4563-inde taraptar isti sotqa jetkizbeı kelisimge kelgen;
– al muqtaj azamattarǵa áleýmettik qoldaý kórsetýge baǵyttalǵan «İskerlik jáne janashyrlyq» jobasy qazir Atyraý, Soltústik Qazaqstan jáne Qyzylorda oblystarynda iske asyrylýda;
ardagerlerdiń «Qoǵamdyq baqylaý týraly» Zańdy júzege asyrýǵa belsendi atsalysyp jatqany jóninde baıandady. Olar sý tasqynymen kúres kezinde halyqty sabyrǵa shaqyryp, túsindirý jumystaryn júrgizgen;
munaı-gaz, aýyl sharýashylyǵy salalaryna, óńirlerde azyq-túlik baǵasyn turaqtandyrýǵa jáne din máselesine qatysty usynystar berdi.