Marat Ahmetjanov Aqmola oblysynyń áleýmettik-ekonomıkalyq damýy, óńir ekonomıkasynyń birqatar salasynda oń nátıjeler bar ekeni týraly málimet berdi, dep habarlaıdy almaty-akshamy.kz.
Sonymen qatar, negizgi kapıtalǵa salynǵan ınvestısıa kólemi 530 mıllıard teńgege jetkenin sóz etti. Onyń ishinde jeke ınvestısıa 435 mıllıard teńgeden asqan. 154 joba iske asyrylyp, 1,5 myń jumys orny ashylǵan.
Oblys ákimi Prezıdentke sharýalardy qoldaý jáne qaıta óńdelgen ónim úlesin arttyrý sharalary turaqty túrde qabyldanyp jatqanyn aıtty. Jyl basynan beri ósimdik maıy, óńdelgen et, sút, maı, irimshik jáne súzbe sıaqty azyq-túlik túrlerin óndirý kórsetkishi óskenin, Makınsk qus fabrıkasynyń 3-kezeńi iske qosylǵanyn jáne «Aq-Dala Agro» jaýapkershiligi shekteýli seriktestiginiń óndiristik qýaty kezeń-kezeńimen artyp keletinin habarlady. Bul oblystyń qus etin óndirý boıynsha elimizde kóshbasshy óńirlerdiń birine aınalýyna múmkindik bergen.
Oblys basshysy jylytý maýsymynyń barysy týraly baıandady. Búgingi kúni barlyq komýnaldyq qyzmettiń jumysy qatań baqylaýǵa alynǵanyn, Kókshetaý jáne Stepnogorsk qalalaryndaǵy nysandar kezeń-kezeńimen jańǵyrtylǵanyn jetkizdi. Kókshetaý qalasyn damytýǵa qatysty bas jospardyń jobasy ázirlengeni týraly aqparat berdi. Bul joba qalanyń ekologıalyq jáne ınfraqurylymdyq máselelerin sheshýdi kózdeıdi. Halyqtyń turmysyn jaqsartýǵa jáne irgeles mıgrasıany tómendetýge yqpal etetin Aglomerasıany damytý jónindegi jańa keshendi jospardyń jobasyn tanystyrdy.
Qasym-Jomart Toqaev óńirdi odan ári damytý, aýyl sharýashylyǵy ónimderin tereń óńdeý jobalaryn iske asyrý, ınvestısıa tartý, sondaı-aq Aqmola oblysynyń qalalaryn jylýmen úzdiksiz qamtamasyz etý jóninde birqatar tapsyrma berdi.