Bas prokýratýra jaýap berdi.
Bas prokýrordyń orynbasary Áset Chındalıev Qaırat Satybaldy shartty túrde merziminen buryn bostandyqqa shyǵa alady ma degen suraqqa jaýap berdi, dep habarlaıdy Almaty-akshamy.kz
Áset Chındalıev kez kelgen sottalǵan adam shartty túrde merziminen buryn bosatý týraly ótinish bere alatynyn aıtty.
"Árbir sottalǵan adamnyń ótinish jazýyna quqyǵy bar. Bizde tek, kámeletke tolmaǵandarǵa jynystyq qorlyq kórsetken sottalǵandar úshin jáne terorıstik jáne ekstremıstik qylmystar jasap, qylmys kezinde adam ólimine ákelgen jaıttarda shartty túrde merziminen buryn bosatýǵa shekteý bar. Al basqa baptar boıynsha sottalǵan tulǵalar ótinish bere alady", - dep túsindirdi Bas prokýrordyń orynbasary.
Ol Qaırat Satybaldyny shartty túrde merziminen buryn bosatý týraly sońǵy sheshimdi sot shyǵarýy kerek ekenin túsindirdi.
"Satybaldyulynyń jazǵanyna baılanysty (ótinish – redaktordyń eskertpesi) merziminen buryn qorytyndy jasamańyz. Kez kelgen adamnyń ótinish berýge quqyǵy bar. Bul aryz sotta qaralady. Ótinish jazsa da, ol birden bosatylyp, bostandyqqa shyǵady degendi bildirmeıdi. Sot shartty túrde merziminen buryn bosatý nemese bas tartý týraly sheshim qabyldaýy múmkin. Sot tájirıbesinde ótinishterdi qanaǵattandyrmaǵan jaǵdaılar jıi kezdesedi", - dep túsindirdi Áset Chındalıev.
13 qazanda Qaırat Satybaldynyń memleketke 300 mıllıon dollardyń múlkin qaıtarǵany belgili boldy.