Memleket basshysy Qasym-Jomart Toqaev Almaty qalasyna jumys sapary aıasynda jańadan ashylǵan Áleýmettik qyzmet kórsetý úıine bardy dep habarlaıdy almaty-akshamy.kz
Prezıdent qyzmet kórsetý zalyn aralap kórip, ortalyqtyń kúndelikti atqaryp jatqan jumystarymen tanysty. Memleket basshysyna mekemeniń respýblıka boıynsha ázirge jalǵyz áleýmettik oryn ekeni jáne osy tájirıbeni el kóleminde qoldanysqa engizý qarastyrylyp jatqany jóninde málimet berildi.
Bul mekeme halyqtyń áleýmettik jaǵdaıy tómen toptaryna, turmystyq máselelerimen júgingen azamattarǵa «bir tereze» qaǵıdaty boıynsha túrli salada qyzmet kórsetedi. Atalǵan ortalyqqa tirshilik taýqymetin tartqan, otbasylyq kelispeýshilik pen qıyndyqtar kórgen azamattar júginetini eskerilip, onda advokat, psıholog bólmeleri ashylǵan. Sondaı-aq munda balalarymen kelgen qonaqtarǵa yńǵaıly bolý úshin oıyn alańy da qarastyrylǵan.
