Sharanyń qorytyndy kezeńine myń bala qatysty.
Almatyda jumys saparymen júrgen Qasym-Jomart Toqaev balalardyń «Almaty BalaFest» shyǵarmashylyq festıvaliniń qorytyndy is-sharasyna bardy, dep habarlaıdy Almaty-akshamy.kz Aqorda saıtyna silteme jasap.
Balalardy qorǵaý kúnine oraı uıymdastyrylǵan bul merekelik sharanyń qorytyndy kezeńine myń bala qatysty.
Botanıkalyq baqta ótken qorytyndy is-shara «ART SPACE» aımaǵy, «Kitaptar qazynasy» kitap kórmesi, «ECO LAB» ekologıalyq aımaǵy, «Shahmat álemi» aımaǵy, «ROBO LAND» aımaǵy jáne «Jas órender» konsert alańy sıaqty alańqaılarǵa bólingen.
Prezıdent árbir alańqaıdaǵy jeńimpazdardyń ónerin tamashalap, olardyń jetistikterine rızashylylyǵyn bildirdi. Memleket basshysy jasóspirimdermen áńgimelesý barysynda olardy merekemen quttyqtap, balalar el bolashaǵy ekenin aıtty.
Solardyń biri - 11 synyp oqýshysy Mıhaıl Shýt «Kitaptar qazynasy» kórmesinde «Alpamys batyr» jyryn jatqa oqyp berdi.
İs-shara sońynda bir aı boıy ártúrli jastaǵy jasóspirimder, onyń ishinde múmkindigi shekteýli balalar da qatysqan «Almaty BalaFest» festıvaliniń jeńimpazdary marapattaldy. Jalpy, ádebıet, beıneleý óneri, sport, dekoratıvti-qoldanbaly óner, ekobaıqaý, vokal men horeografıa jáne IT salalary boıynsha ótken festıválde 300 myńnan astam bala baq synaǵan.
