Qazaqstanda 2024 jyly áleýmettik tólemderge 5,4 trln teńge bólinip, zeınetaqylar men járdemaqylardyń mólsheri aıtarlyqtaı artty. Al 2025 jyly bul kórsetkish 6 trln teńgege jetip, 5 mıllıonnan astam adamdy qamtý josparlanyp otyr, dep habarlaıdy aqshamnews.kz
2024 jyly Qazaqstanda áleýmettik qamsyzdandyrýǵa 5,4 trln teńge bólindi. Onyń ishinde:
- Zeınetaqy tólemderine – 3,8 trln teńge;
- Múgedektigi jáne asyraýshysynan aıyrylý boıynsha járdemaqylarǵa – 614 mlrd teńge;
- Kópbalaly otbasylardy qoldaýǵa – 472,9 mlrd teńge qarastyryldy.
Barlyq áleýmettik tólemder (zeınetaqylar men járdemaqylar) respýblıkalyq búdjet shyǵystarynyń 21,8 %-yn qurady.
2025 jylǵa josparlar:
Halyq aldyndaǵy áleýmettik mindettemelerdi oryndaýǵa 6 trln teńge bólinedi. Bul kómekterdi shamamen 5 mıllıon adam alady dep josparlanǵan.
Zeınetaqy men járdemaqylar mólsheriniń ósýi
2025 jylǵy 1 qańtardan bastap:
- Memlekettik járdemaqylar men bazalyq zeınetaqy tólemderiniń mólsheri ınflásıanyń boljamdy deńgeıine sáıkes 6,5%-ǵa ósti.
- Yntymaqty zeınetaqy 8,5%-ǵa artty, bul ınflásıa deńgeıinen 2%-ǵa joǵary.
- Eń tómen bazalyq zeınetaqy 2023 jyldan bastap bes jyl ishinde eń tómen kúnkóris deńgeıiniń 70%-na deıin, al eń joǵarysy 120%-ǵa deıin kezeń-kezeńimen ulǵaıtylady.
2025 jylǵy járdemaqylardyń ulǵaıýy:
- Bala týý járdemaqysy:
- 1, 2, 3 bala úshin – 140 myń teńgeden 149 myń teńgege deıin;
- 4 jáne odan kóp bala úshin – 233 myń teńgeden 248 myń teńgege deıin.
- Kópbalaly otbasylarǵa arnalǵan járdemaqy:
- 4 bala úshin – 59 myń teńgeden 63 myń teńgege deıin;
- 10 bala úshin – 148 myń teńgeden 157 myń teńgege deıin.
- Múgedektigi bar adamdarǵa arnalǵan járdemaqy:
- I top – 95 myń teńgeden 102 myń teńgege deıin;
- II top – 76 myń teńgeden 81 myń teńgege deıin;
- III top – 52 myń teńgeden 55 myń teńgege deıin.
Bul ózgerister azamattardyń ál-aýqatyn arttyrýǵa jáne olardyń ómir súrý deńgeıin jaqsartýǵa baǵyttalǵan.