Almatyda mereke kúnderi qoǵamdyq tártipti qamtamasyz etý úshin 3 myńnan astam polısıa qyzmetkeri jumyldyryldy. Almaty qalasy Polısıa departamentiniń resmı ókili Saltanat Ázirbek Óńirlik komýnıkasıalar qyzmetiniń brıfıńinde aıtqandaı, ońtústik astanada jańa jyldyq mereke kúnderi tynysh ótti, dep habarlaıdy aqshamnews.kz
«Almaty qalasynyń Polısıa departamenti ótken mereke kúnderi turaqty krımınogendik jaǵdaı týraly habarlaıdy. Qyzmetter men bólimshelerdiń jeke quramy kúsheıtilgen qyzmet rejımine aýystyryldy. Patrúldik polısıa narádtarynyń sany ulǵaıtyldy, jaıaý patrúldeý marshrýttary ázirlendi, sondaı — aq quqyqtyq tártipti qorǵaý úshin Ulttyq ulannyń 300 áskerı qyzmetshisi tartyldy»,- dep atap ótti S.Ázirbek.
Azamattar kóp jınalatyn jáne merekelik is-sharalar ótkiziletin oryndarǵa erekshe nazar aýdaryldy.
31 jeltoqsan men 4 qańtar aralyǵynda Almatyda 65 qylmys tirkeldi, olardyń kópshiligi múliktik jáne turmystyq sıpatta boldy. Onyń ishinde 42 qylmys «izi sýymaı» ashyldy. Sonymen qatar, mereke kúnderi 200-den astam ákimshilik quqyq buzýshylyq anyqtalyp, joly kesildi.
Qala joldarynda 26 mas júrgizýshi ustalyp, kólik júrgizýden shettetildi, bul qaýipsizdikti qamtamasyz etý jónindegi negizgi sharalardyń birine aınaldy.
«103» púltine mereke kúnderi 23 myńnan astam shaqyrti kelip tústi, onyń 16 myńyna jedel járdem brıgadalary qyzmet kórsetti. Bul úshin kún saıyn 186 brıgada tartyldy, onda 500-den astam qyzmetker jumys istedi.
«Jedel járdem qyzmetine kelip túsken shaqyrtýlardyń 10-13% -y jaraqattanýǵa qatysty. Pırotehnıkalyq quraldarmen zaqymdanýdyń 19 jaǵdaıy tirkeldi. 55% jaǵdaıda aıaq — qoldyń jaraqattanýy, qalǵan jaǵdaılarda bet, kóz jáne moıyn zardap shekti», - dedi Jedel medısınalyq járdem qyzmetiniń medısınalyq bólimi boıynsha dırektordyń orynbasary Andreı Lojkın.
Mereke kúnderi jyldaǵy ádetke saı qońyraýlar sanynyń 5-6% - ǵa artty. Ótinishterdiń negizgi sebepteri kenetten bolatyn aýrýlar, turmystyq jaraqattar, kúıikter, ishimdikten jáne tamaqtan ýlaný boldy.