Jetisý oblysynda prokýrorlar mektepterde tamaqtanýǵa negizsiz tólengen qarajatty anyqtady, dep habarlaıdy almaty-akshamy.kz.
Prokýrorlar jalpy somasy 20 mıllıon teńgeden asatyn mektepterdegi tamaqtaný úshin jetkizýshilerge negizsiz aqsha tóleý faktilerin anyqtaǵan.
Máselen, Kóksý aýdanynda 2023 jyldyń 13-15 jeltoqsany aralyǵynda aýa raıynyń qolaısyzdyǵyna baılanysty 1-4 synyp oqýshylary úshin sabaq toqtatylǵan bolatyn.
Alaıda bilim berý mekemesi jetkizýshige kórsetilgen kúnderindegi usynylmaǵan tamaqtaný qyzmeti úshin 4 mıllıon teńgeden astam qarajat tólegen, - delingen vedomstvo habarlamasynda.
Osyǵan uqsas zańbuzýshylyqtar oblystaǵy barlyq mektepte anyqtalǵan.
Anyqtalǵan zańbuzýshylyqtar boıynsha zalaldy óteý týraly qadaǵalaý aktileri engizildi.