«Ádildik jáne Órkendeý» qoǵamdyq qory men «Qazaq taǵamtaný akademıasy» JSHS arasynda mekteptegi tamaqtaný sapasyn jaqsartýǵa baǵyttalǵan memorandýmǵa qol qoıyldy. Qujatqa qordyń Almaty fılıalynyń basshysy Mıras Baıseıtov pen Akademıa prezıdenti Almaz Sharman qol qoıdy, dep habarlaıdy aqshamnews.kz
Memorandým aıasynda mynadaı baǵyttarda birlesken jumystar josparlanýda:
Mektepterdegi tamaqtaný sapasyn baǵalaý úshin monıtorıńtik saparlar uıymdastyrý;
Sarapshylardy tarta otyryp, taldaý júrgizý jáne usynystar ázirleý;
Monıtorıń nátıjeleri men usynystardy qamtıtyn qorytyndy esep daıyndaý;
Tamaqtaný sapasyn arttyrý boıynsha semınarlar men is-sharalar ótkizý;
Mektepterge arnalǵan tamaqtaný standarttaryn ázirleý.
Qol qoıý rásiminen keıin taraptar joba boıynsha yntymaqtastyqtyń basym baǵyttaryn talqylap, sapaly ári qaýipsiz tamaqtanýdy qamtamasyz etý arqyly oqýshylardyń densaýlyǵyn jaqsartý máselelerin talqylady.
Bul bastama mektep oqýshylarynyń densaýlyǵy men ál-aýqatyn nyǵaıtýǵa úles qosady.