Aqpan aıynyń birinshi beısenbisinde barlyq elderde saılaý organdarynyń kásibı merekesi retinde qurylǵan Dúnıejúzilik saılaý kúni atap ótiledi. Bıyl ol 1 aqpanda toılandy.
Dúnıejúzilik saılaý kúni qarsańynda Almaty qalasynyń aýmaqtyq saılaý komısıasy «Mekteptegi ózin-ózi basqarýdyń úzdik saılaý júıesi» qalalyq baıqaýyn ótkizdi, dep habarlaıdy almaty-akshamy.kz Bul konkýrstyń basty maqsaty Almaty qalasy mektep oqýshylarynyń Qazaqstan Respýblıkasynyń saılaý zańnamasy men saılaý júıesiniń erekshelikteri týraly quqyqtyq saýattylyǵy men habardarlyǵyn arttyrý, bolashaq saılaýshylardyń demokratıalyq qundylyqtardy qalyptastyrý.
Baıqaý 2 kezeńde ótkizildi: 1-26 qańtar aralyǵynda aýdandyq jáne 1 aqpan kúni Naýryzbaı aýdanynyń Älem oqýshylardyń ınovasıalyq shyǵarmashylyq ortalyǵynda uıymdastyryldy. Aýdandyq kezeń qorytyndysy boıynsha baıqaý fınalyna qalanyń 8 mektebi ótti. Olar «№166 lıseı» KMM, «№144 mektep-gımnazıa» KMM, «Gımnazıa №132» KMM«Gımnazıa №132», «№51 mektep-gımnazıa» KMM, «№87 JBBM» KMM, «№19 JBBM» KMM, «№200 mektep-gımnazıa» KMM, «№115 JBBM» KMM.
İs-sharany ashqan qalalyq saılaý komısıasynyń tóraǵasy Aıgúl Qalyqova mekteptegi ózin-ózi basqarý jastardyń kóshbasshylyq daǵdylary men belsendi azamattyq ustanymyn qalyptastyrýda úlken ról atqaratynyn atap ótti. Ol sondaı-aq qatysýshylardyń barlyq usynystary men bastamalary eskerilip, qala mektepteriniń odan ári praktıkalyq qoldanýy úshin usynylatynyn basa aıtty.
Baıqaý aıasynda oqýshylar ózderiniń ınovasıalyq saılaý ádisteri men basqarý júıelerin usyndy. Qatysýshylar shyǵarmashylyq ıdeıalaryn, uıymdastyrýshylyq daǵdylary men kóshbasshylyq qasıetterin kórsetti. Baıqaý qatysýshylarǵa demokratıalyq basqarý, sheshim qabyldaý jáne toptyq jumys salasyndaǵy daǵdylaryn damytýǵa múmkindik berdi.
Almaty qalasy aýmaqtyq saılaý komısıasynyń múshelerinen, bilim berý salasyndaǵy mamandardan, máslıhat depýtattarynan, qoǵamdyq keńes ókilderinen turatyn qazylar alqasy ár mekteptiń jobalaryn ózindik ereksheligi, tıimdiligi men qoldanylý qaǵıdattary boıynsha baǵalady. Jeńimpazdardy tańdaý ońaı bolǵan joq, óıtkeni barlyq qatysýshylar daıyndyqtyń joǵary deńgeıin kórsetti.
Baıqaý qorytyndysy boıynsha birinshi oryndy «№19 JBBM» KMM, ekinshi oryndy «№51 mektep-gımnazıa» KMM, úshinshi oryndy «№200 mektep-gımnazıa» KMM ıelendi. Sondaı-aq, fınalısterge Almaty qalasy aýmaqtyq saılaý komısıasynyń alǵys hattary tabystaldy.
