Senat kýlýarynda birinshi vıse-mınıstri Maıra Meldebekova mektepterde uıaly telefondardy paıdalaný zańmen tyıym salynǵanyn, al bul talapty buzǵan jaǵdaıda ata-analarǵa aıyppul salynýy múmkin ekenin aıtty, dep habarlaıdy Aqshamnews.kz tilshisi.
Vıse-mınıstrdiń aıtýynsha, jaýapkershilik tolyqtaı ata-analarǵa júkteledi.
"Bilim týraly zańda oqý prosesinde uıaly telefon paıdalanýǵa bolmaıtyny naqty jazylǵan. Ákimshilik jaýapkershilik Kodekstiń 409-babynda qarastyrylǵan. Eger buzý birinshi ret anyqtalsa – eskertý beriledi, qaıtalansa – aıyppul salynady", – dedi Meldebekova.
Mınıstrlik ókili atap ótkendeı, 2025 jyly ata-analarǵa salynatyn aıyppul kólemi 5 aılyq eseptik kórsetkishke deıin, ıaǵnı 19 660 teńgege jetýi múmkin.
Jýrnalıserdiń «Ata-analarǵa aıyppul salý faktileri boldy ma?» degen suraǵyna vıse-mınıstr:
"Ázirge ondaı derek tirkelgen joq", – dep jaýap berdi.