Búgingi kúni mektep oqýlyqtary materıaldarynyń balanyń jasyna, logıkasyna saı emestigi kóp aıtylyp, synǵa alynyp júr.
Qazaqstan Respýblıkasynyń Bilim jáne ǵylym mınıstrligi baspasóz qyzmetiniń málimetinshe, Respýblıkalyq ǵylymı-praktıkalyq bilim mazmunyn saraptaý ortalyǵynyń 40 jetekshi sarapshysy kýrstan ótti, dep habarlaıdy Almaty-akshamy.kz
QR Bilim jáne ǵylym mınıstrligi halyqaralyq konsorsıýmmen birlesip, mamandar úshin arnaıy trenıńter uıymdastyrdy. Nátıjesinde olar oqýlyqtardy ázirleý men saraptaýdyń halyqaralyq tájirıbesimen tanysty. Bul bolashaqta oqýlyqtardy tekserý tásilin jetildirýge yqpal etedi. Búgingi tańda Respýblıkalyq ǵylymı-praktıkalyq bilim mazmunyn saraptaý ortalyǵynyń 40 jetekshi sarapshysy kýrstan ótti.
«Oqýlyqtar oqýshylar men ata-analardyń suranystaryna sáıkes bolýy kerek. Sondyqtan qazaqstandyq oqýlyqtarǵa qatysty shaǵymdar sanyn azaıtý úshin josparly jumys júrgizetin bolamyz. Oqytý barysynda qazaqstandyq jáne sheteldik jattyqtyrýshylar óz tájirıbelerimen bólisip, sarapshylardy mektep oqýlyqtaryn baǵalaý ádistemesin praktıkada qoldanýdy úıretedi. Kýrstar qazaqstandyq sarapshylardyń áleýetin arttyrý maqsatynda «Orta bilim berýdi jańǵyrtý» jobasy aıasynda ótkiziledi», – dep habarlady QR BǴM Bilim mazmunyn saraptaý respýblıkalyq ǵylymı-praktıkalyq ortalyǵy dırektorynyń orynbasary Mánshúk Muqametqalı.
Kýrstyń oqý materıaldary avtorlarǵa qoıylatyn jańartylǵan talaptardy, barlyq mektep pánderi boıynsha oqýlyqtardy baǵalaý ádistemesi men krıterıılerin qamtıdy. Sonymen qatar, oqytý barysynda basqa elderdiń elektrondyq oqýlyqtardy saraptaý tájirıbesi taldandy.