Almaty qalasynyń Bilim basqarmasy №41 mektepte oryn alǵan oqıǵaǵa qatysty málimdeme jasady, dep habarlaıdy almaty-akshamy.kz.
Bul mektepte eki aýysymda 1426 oqýshy oqıdy, jobalyq qýaty 870 oryn.
Osy mektepte oryn tapshylyǵy problemasyn sheshý úshin 2023 jyly Samǵaý shaǵyn aýdanynda 2000 oryndyq jaıly mekteptiń qurylysy bastalǵan bolatyn.
Aǵymdaǵy jyldyń 27 aqpanynda ekinshi aýysymnan keıin birinshi qabatta ornalasqan mekteptiń kıim aýystyratyn bólmesinde oqýshylar kóp jınaldy. Munyń sebebi - osy kúni oqýshylardyń kıiný prosesiniń durys uıymdastyrylmaýy.
Buryn bul mektepte mundaı jaǵdaı baıqalǵan emes. Mektep ákimshiliginiń málimetinshe, zardap shekkender joq.
Oqý prosesin uıymdastyrýda baqylaýdy álsiretkeni úshin mektep dırektory atqaratyn qyzmetinen bosatyldy.