Oqý-aǵartý mınıstri: Mektep pen kolejderde dırektorlardyń tapshylyǵy baıqalyp otyr.
Bul týraly pedagogterdiń respýblıkalyq tamyz konferensıasynda aıtyldy, dep habarlaıdy Almaty-akshamy.kz.
«Mektep pen kolejderde, balabaqshalarda bilikti dırektorlardyń tapshylyǵy baıqalyp otyr. Qazirgi kezde biraz oryn bos tur. Árıne, muǵalimniń eńbegi men biliktiligi óte mańyzdy. Biraq barlyq máseleni sheshkenimen, bilikti ári bilimdi dırektor bolmasa, onda basqa jasalyp jatqan jumystar tıisti nátıjesin bermeıdi. Dırektorlardyń jalaqysy muǵalimdermen salystyrǵanda az ekeni belgili», - dedi Asqat Aımaǵambetov.
Osy oraıda mınıstr dırektorlarǵa úlken jaýapkershilik júkteletinin eske saldy.
«Olarǵa túrli aıyppuldar salyp ketedi. Ata-analarmen jáne muǵalimdermen jumys isteý kerek. Alaıda dırektorlardyń alatyn jalaqysy óte tómen. Sondyqtan osy baǵytta jańa oqý jylynda bul máseleni sheshý turǵysynda tıisti jumystardy atqaramyz. Qazir 400-den astam dırektor jańa oqý oryndaryna baryp, jumysyn jalǵastyryp jatyr. Osy áriptesterimizge úlken alǵysymdy aıtqym keledi», - dedi vedomstvo basshysy.