Mektep dırektorlaryna jalaqy tóleý júıesine ózgeris engiziledi.
Atalǵan aqparat jóninde «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblıkalyq tamyz konferensıasynyń plenarlyq sesıasynda QR Bilim jáne ǵylym mınıstri Asqat Aımaǵambetov málim etti, dep habarlaıdy Almaty-akshamy.kz. QazAqparat saıtyna silteme jasap.
«Qazirgi kezde mektep basshylyǵynyń jalaqy máselesi ózekti bolyp tur. Jalaqynyń qazirgi deńgeıine qarap, básekege qabiletti menedjerler basshylyq qyzmetke barýǵa qyzyqpaıdy. Jalpy, úzdik pedagogtar mektep dırektory nemese oqý isiniń meńgerýshisi laýazymyna barmaı jatady», - dedi Asqat Aımaǵambetov.
Bul baǵytta mınıstr tıisti ózgerister kerek ekenin atap ótti.
«Mektep dırektorlarynyń jalaqysy ustazdyń eńbekaqysynan tómen bolatyn jaǵdaılar jıi kezdesedi. Bul turǵyda táýekelder deńgeıi ártúrli ekeni belgili. Bilim mınıstrligi mektep dırektorlaryna jalaqy tóleý júıesine ózgeris engizýdi josparlap otyr», - dedi ol.