Almaty qalasy bilim basqarmasynyń monıtorıńi mektep býhgalteriniń 30 mln teńgeden astam aqsha urlaǵanyn anyqtady, dep habarlaıdy aqshamnews.kz
Almatyda bilim basqarmasy Sybaılas jemqorlyqqa qarsy is-qımyl Agenttiginiń Almaty qalasy boıynsha departamentine búdjettik aqshany urlaý týraly isti ashýǵa kómektesti
«Monıtorıń nátıjeleri boıynsha Almaty qalasynyń bilim basqarmasy aǵymdaǵy jyldyń naýryz aıynda «№5 mektep gımnazıasy» KMM-niń 11 qyzmetkeriniń banktik kartochkalyq shottaryna 2023 jyldyń sáýiri men aqpan aıy aralyǵynda jalpy somasy 34 271 330 teńgege artyq belgilengen jalaqy normasyn esepteý jáne aýdarý zańnamasynyń normalaryn buzý faktisin anyqtady. Materıaldar Qazaqstan Respýblıkasy Sybaılas jemqorlyqqa qarsy is - qımyl Agenttiginiń Almaty qalasy boıynsha departamentine berildi», - dep habarlady Almaty qalasynyń bilim basqarmasy.
Berilgen materıaldar negizinde QR QK 189-baby boıynsha mekteptiń bas býhgalteri A.I. qatysty sotqa deıingi tergeý bastaldy. Sotta mekteptiń bas býhgalteri «№5 mektep-gımnazıa» KMM-de naqty jumys istemeıtin tulǵalardyń kartochkalyq banktik shottaryna eńbek kelisimderimen belgilengen ústemeaqylardy jáne jalaqy retinde búdjet qarajatyn zańsyz esepteý jáne aýdarý jolymen búdjet qarajatyn urlaý faktisin tolyq rastady.
Sondaı – aq, cotqa deıingi jáne sot tergeýi barysynda sottalýshy múliktik zalaldy tolyq kólemde-38 060 353 teńgege óz erkimen ótedi.
Almaty qalasynyń qylmystyq ister jónindegi Áýezov aýdandyq sotynyń 2024 jylǵy 22 shildedegi úkimimen ol 7 jylǵa shartty túrde sottaldy.
Úkim zańdy kúshine engen joq.
Mektep dırektoryna qatysty tártiptik jaza sharalaryn qoldaný týraly másele eńbek demalysynan shyqqannan keıin sheshiletin bolady.