Astana men Almatyda uzaq ýaqyt boıy «Mefedron» psıhotroptyq zattaryn daıyndaýmen jáne taratýmen aınalysqan qylmystyq topty ustaldy. Bul týraly Almaty-akshamy.kz Inform.kz-ke silteme jasap habarlaıdy.
Uıymdasqan qylmysqa qarsy kúres basqarmasy men Kóliktegi polısıa departamenti Tergeý basqarmasynyń qyzmetkerleri 29 qazan kúni «Búrkit» jaýyngerlerin tarta otyryp, Astana men Almatyda uzaq ýaqyt boıy «Mefedron» psıhotroptyq zattaryn daıyndaýmen jáne taratýmen aınalysqan qylmystyq topty ustady. Top 4 adamnan turǵan.
Tekserý kezinde kúdiktilerdiń psıhotroptyq zattardy Almatydan Astanaǵa jeke tasymaldaýshylar arqyly avtomobılderdiń qosalqy bólshekterine jasyryp tasymaldaǵany anyqtaldy.
Almatyda kólik polıseıleri garaj retinde jasaqtalǵan zerthanany anyqtady, onda psıhotroptyq zattardy daıyndaýǵa arnalǵan 26-dan astam jabdyq, esirtkini daıyndaýǵa arnalǵan 500 lıtr hımıalyq konsentrat, sondaı-aq 1 keliden astam daıyn psıhotroptyq zat tabyldy.
«Qazirgi ýaqytta atalǵan fakti boıynsha QR QK-niń 297-babymen tergeý júrgizilip jatyr. Ustalǵandar kinásin moıyndady, olardyń barlyǵy ýaqytsha ustaý ızolátoryna qamaldy», - dep atap ótti Kóliktegi PD bastyǵy Ońal Bekıev.