Bul týraly Almaty qalasynyń ákimi E.Dosaev OKQ-da ótken Almaty qalasynyń áleýmettik ekonomıkalyq damýynyń 5 aıdaǵy negizgi qorytyndylary týraly sóılegen sózinde aıtty, dep habarlaıdy Almaty-akshamy.kz.
Alǵashqy medısınalyq-áleýmettik kómekti (AMÁK) damytý ákimdiktiń 2022 jylǵy jumysyndaǵy basymdyq baǵyty bolyp tabylady.
Emhanalarǵa túsetin júktemeni azaıtý jáne konsýltasıalyq-dıagnostıkalyq qyzmetterdiń qoljetimdiligin arttyrý úshin osy jyldyń sońyna deıin Kemel jáne Mamyr shaǵyn aýdandarynda 2 otbasylyq-dárigerlik ambýlatorıany salý jáne №11 qalalyq emhanany kúrdeli jóndeý jumystary aıaqtalady. Sondaı-aq Saıaly, Qarasý jáne Nurshashqan shaǵynaýdandarynda 3 otbasylyq-dárigerlik ambýlatorıanyń qurylysy bastalyp, 2023 jyly aıaqtalady.
Emhanalardy zamanaýı medısınalyq jabdyqtarmen tolyq qamtamasyz etýge 1,7 mlrd. teńge bólindi. Budan basqa, jyldyń sońyna deıin 2 emhana men 3 otbasylyq-dárigerlik ambýlatorıa, 2023 jyly taǵy 3 otbasylyq-dárigerlik ambýlatorıa salý úshin jobalaý-smetalyq qujattamany ázirleý jumystary aıaqtalady.
Ana men bala ólimin azaıtý úshin bıyl Balalarǵa shuǵyl kómek kórsetý ortalyǵynyń jańa korpýsy salynyp bitedi, 4 perzenthana men 2 balalar stasıonaryn 2,8 mlrd. teńgege tehnıkalyq jaraqtandyrý jaqsartylady.
Ókinishke oraı, ótken jyly ana ólimi boıynsha óte joǵary kórsetkish oryn aldy (26 jaǵdaı). Osy jyl bizdiń qalada aǵymdaǵy jyldyń İ-shi jarty jyldyǵynda 3 ana ólimi oryn aldy, onyń 2-eýi – Densaýlyq saqtaý mınıstrligine baǵynatyn Akýsherlik, gınekologıa jáne perınatologıa respýblıkalyq ǵylymı ortalyǵynda jáne 1 – Qalalyq perınatologıa jáne balalar kardıohırýrgıasy ortalyǵynda (bosaný 24.02.2022 j., ólim oryn alǵan jer: úıde 05.03.2022 j.).
Qan aınalymy júıesi aýrýlarynan, onkopatologıalardan bolatyn ólim jaǵdaıyn azaıtý úshin úsh jyldyq baǵdarlama sheńberinde 6,9 mlrd. teńge somasyna kóp beıindi stasıonarlar jańǵyrtylady.
Sondaı-aq, asa tapshy mamandyqtar boıynsha 240 dárigerdi daıarlaý jáne 1000 medbıkeni oqytý júrgizilýde.
2022 jyly medısınalyq-sanıtarlyq alǵashqy kómekti damytý medısınalyq qyzmetterdiń qoljetimdiligi men sapasyn arttyrady, ana ólimin 3 ese azaıtady (100 myń tiri týǵanǵa shaqqanda 53,7-den 18,9 jaǵdaıǵa deıin).