Daıyndyq jumystary aıaqtalyp qaldy.
Medeý muz aıdynynyń ákimshiligi qysqy kónkı tebý maýsymy qashan bastalatynyn aıtty, dep habarlaıdy Almaty-akshamy.kz
Muz aıdyny ákimshiliginiń málimetinshe, Medeýde kónkı tebý maýsymyna daıyndyq jumystary aıaqtalyp qaldy. Qazir aıdynǵa muz quıyla bastady.
"Sizderge qýanyshty jańalyqty jetkizgimiz keledi. "Medeý" muz aıdyny esigin 15 qarasha kúni aıqara ashady", – delingen habarlamada.
Almatyda "Medeý-SHymbulaq" jolymen ótý rejımi belgilendi. Almaty qalasy ákimdiginiń baspasóz qyzmetiniń málimetinshe, aspaly jol iske qosylǵanǵa deıin elektromobılder men jaıaý júrginshiler 09.00-ge deıin, 12.00-den 14.30-ǵa deıin jáne 18.00-den keıin kire alady.
Aspaly jol iske qosylǵannan keıin 1 qarashadan bastap elektr kólikterine 09.00-ge deıin jáne 18.00-den keıin kirýge ruqsat. 13.00-den 14.00-ge deıin tehnıkalyq qyzmetterdiń arnaıy kóligi ǵana kire alady. Bul kezde stýdenttik soqpaq arqyly jaıaý serýendeýge bolady. Qozǵalysty shekteýdiń belgilengen kestesi 1 jeltoqsanǵa deıin jalǵasady.