Medeý aýdanynda turǵyn úıler men serýendeý aımaǵyna shyǵatyn baspaldaqtardy jańartý jumysy aıaqtaldy.
Bul aýdan turǵyndarynyń ótinishi negizinde, aýdan ákimdigine kelip túsken kóriktendirý usynysy aıasynda júrgizildi, - dep habarlaıdy Aqshamnews.kz.
Joba boıynsha myna mekenjaılarda baspaldaqtar jańartyldy: Terenkýr – 36 m, Táttimbet kóshesi – 34 m, Kokkınakı kóshesi – 36,6 m, Roza Baǵlanova kóshesi – 39,5 m, Shýhov kóshesi – 104 m, ál-Farabı dańǵyly men Lýganskıı kóshesiniń qıylysy – 30 m, Esentaı ózeniniń boıy men Ahmedıarov kóshesiniń buryshy – 5 m.
Eski, tozǵan qurylymdar buzylyp, irgetasy nyǵaıtyldy jáne syrǵanamaıtyn jabyndysy bar berik jańa baspaldaqtar ornatyldy.
Medeý aýdanynyń ákimdigi málimdegendeı, endi bul baǵyttar turǵyndar men qala qonaqtary úshin áldeqaıda yńǵaıly ári qaýipsiz boldy.
