Almaty qalasy Medeý aýdany ákiminiń orynbasary Aıdos Nurlybaev Óńirlik komýnıkasıalar qyzmetiniń brıfıńinde bilim berý júıesiniń jumysy týraly aıtyp berdi.
Spıkerdiń aıtýynsha, Medeý aýdanynyń bilim berý júıesi jalpy kontıngenti 30 378 oqýshyny quraıtyn 28 memlekettik jáne 19 jekemenshik mektepterden turady, dep habarlaıdy Almaty-akshamy.kz
Degenmen, oqýshy oryndarynyń tapshylyǵy baıqalady, bul 4 myńnan astam oryn.
«Degenmen, oqýshy oryndarynyń tapshylyǵy baıqalady. Ol 4 myńnan astam, ásirese, jaqsy kórsetkishteri bar №12, 35, 56, 131, 159 mektepter ornalasqan aýdan ortalyǵynda seziledi, onda búgingi tańda kóp páterli úıler qarqyndy salynýda», - dep sanaıdy A. Nurlybaev.
Osyǵan baılanysty, 2020 jyly №172 mektep-gımnazıasynda 850 oryndy qosalqy ǵımarat paıdalanýǵa berildi. "Alataý" shaǵynaýdandaǵy №7 mektepti seısmıkalyq kúsheıtýge baılanysty kúrdeli jóndeý jumystary aıaqtaldy.
Sondaı-aq, №48 mektep ǵımaraty men №131 lıseıge kúrdeli jóndeý júrgizilýde. Sońǵy 2 jylda jeke ınvestorlar esebinen 10-ǵa jýyq jeke mektep salynyp, paıdalanýǵa berildi. Osy jobalardyń barlyǵyn iske asyrý aýdannyń ortalyq bóliginde oqýshy oryndarynyń tapshylyǵyn 30%-ǵa tómendetýge múmkindik berdi.
«Oqýshy oryndarynyń tapshylyǵyn tómendetý úshin jobalyq qýaty 600 oryndy №4 mektep, 900 oryndy №161 mektep jáne jobalyq qýaty 600 oryndy №35 gımnazıa ǵımarattaryna qosymsha qurylystar salý máselesi pysyqtalýda», - dep jalǵastyrdy Medeý aýdany ákiminiń orynbasary.
Sonymen qatar, ol 20 tamyzdan bastap jyl saıynǵy «Mektepke jol» aksıasy bastalǵanyn atap ótti. Joba aıasynda az qamtylǵan jáne kópbalaly otbasylardan shyqqan 400 bala, sondaı-aq jetim balalar men ata-anasynyń qamqorlyǵynsyz qalǵan balalar mektep formasy men keńse taýarlaryn aldy.
Mektepke deıingi bilim berýge keletin bolsaq, aýdanda balabaqshalarǵa qajettilik bar. Aýdannyń mektepke deıingi bilim berý uıymdarynyń jelisi 18 balabaqsha men 82 jekemenshik balabaqshadan turady. Tárbıelenýshilerdiń jalpy sany 6440 bala.
ÓKQ spıkeriniń habarlaýynsha, árbir balabaqshada jobalyq qýattylyqty 50 orynǵa ulǵaıta otyryp, №141, №114, 116 balabaqshalarda kúrdeli jóndeý jumystary aıaqtaldy. Sonymen qatar, eger 2021 jyly jeke ınvestorlar esebinen jalpy jobalyq qýaty 306 oryndy 6 balabaqsha ashylsa, osy jyldyń basynan bastap jalpy jobalyq qýaty 367 oryndy 7 balabaqsha ashyldy. Joǵaryda kórsetilgen problemalar josparly túrde ǵımarattar men jer ýchaskelerin jeke menshik ıelerinen salý nemese satyp alý jolymen sheshiletin bolady.
«Halyq tyǵyzdyǵynyń joǵary bolýyna jáne bos jer ýchaskeleriniń bolmaýyna baılanysty Medeý aýdanyndaǵy áleýmettik ınfraqurylymnyń jaı-kúıi ózekti másele bolyp tabylady. Medısınalyq qyzmettermen qadamdyq qoljetimdilikte "Keńsaı", "Kólsaı", "Sulýsaı" shaǵynaýdandary qamtylmaǵan. 8 myńnan astam turǵyndar 10 km jerde ornalasqan №5 klınıkalyq aýrýhana janyndaǵy emhanaǵa jáne №2 emhanaǵa júginedi. 100 kelýshige arnalǵan jańa otbasylyq-dárigerlik ambýlatorıa ashý úshin Keńsaı turǵyndary úshin ǵımarat satyp alyndy, qarajat bólindi. Ǵımaratty jóndeý jyl sońyna deıin júzege asyrylady», - dep túıindedi A. Nurlybaev.