Bul týraly Óńirlik komýnıkasıalar qyzmetiniń brıfıńinde Almaty qalasy Medeý aýdany ákiminiń orynbasary Aıdos Nurlybaev tolyq aıtyp berdi.
Spıkerdiń málimetinshe, ótken jyly «Halyq qatysatyn búdjet» baǵdarlamasy aıasynda Medeý aýdanynda 19 joba irikteldi, dep habarlaıdy Almaty-akshamy.kz
Olardyń ishindegi eń irisi – Tiksaı ózeniniń jaǵalaýyn abattandyrý boıynsha 3 joba. Bul jumystar áli de jalǵasýda.
«Shaqshaq Jánibek kóshesinen Táttibekov kóshesine deıin Kishi Almaty ózeni boıynda aǵymdaǵy jóndeý jumystary júrgizilýde. Jumystardy aıaqtaýdyń boljamdy merzimi - aǵymdaǵy jyldyń qyrkúıek aıynyń sońy. Ekologıa jáne qorshaǵan orta basqarmasynyń jelisi boıynsha Esentaı ózeniniń sý bólgishinen Jamaqaev kóshesine deıin (1,2 km) sý qorǵaý beldeýi ýchaskesi boıynsha jumystar jáne Almaty haıýanattar saıabaǵyndaǵy tazartý qurylystaryn paıdalana otyryp, toǵandardy abattandyrý júrgizilýde. Jobany iske asyrý aıasynda jaǵalaýdy bekitý, jaıaý júrginshiler jolyn ornatý jáne abattandyrý jumystary aıaqtaldy», - dep habarlady Aıdos Nýrlybaev.
Medeý aýdanynyń quramyna jańadan qosylǵan aýmaqtar kirgeni belgili. "Muztaý", "Kólsaı", "Sulýsaı", "Keńsaı", "Dýman" shaǵynaýdandarynda jáne Kamensk ústirtiniń turǵyn alabynda sýmen jabdyqtaý jáne sý burý jelileriniń bolmaýy aýdan úshin úlken máseleleri bolyp qalyp otyr.
A. Nurlybaevtyń aıtýynsha, 2021 jyly «Muztaý» jáne «Kólsaı» shaǵynaýdandarynda 32 km sýmen jabdyqtaý jáne sý burý jelileri salyndy.
Osy shaǵyn aýdandardy sý kózimen qamtamasyz etý úshin búgingi kúni «Balqash» sý jınaý stansıasyna deıin qosatyn magıstraldyq jeli jobasyn ázirleý júrgizilýde. Kelesi jyldyń sáýir aıynda jumysty bastaý josparlanyp otyr.
«Sulýsaı» shaǵynaýdany boıynsha - qazirgi ýaqytta «Almaty Sý» MKK uńǵymalardy burǵylaý arqyly magıstraldyq sý qubyry jáne káriz jelilerin salý boıynsha jobaǵa túzetý júrgizilýde. Qurylys-montaj jumystarynyń bastalýy 2023 jylǵa josparlanǵan.
«Keńsaı» shaǵynaýdanynda M.Shoqaı jáne Sársenbaev kóshelerinde sýmen jabdyqtaý jáne sý burýdyń magıstraldyq jelilerin salý boıynsha joba ázirlendi. Alaıda, baý-baqsha seriktestikteriniń tar kósheleri jaǵdaıynda jeti metrlik ınjenerlik dálizdiń bolmaýyna baılanysty taratý jelilerin salý úshin múmkindik joq. Jobany odan ári iske asyrý turǵyndarǵa baılanysty. Dálizdi usynǵan kezde bir mezgilde sýmen jabdyqtaý jáne káriz jelilerin salý josparlanǵan.
«Kamenskoe plato» shaǵynaýdany ishinara ortalyqtandyrylǵan sýmen qamtamasyz etilgen. Sýmen jabdyqtaý jelilerin, rezervýarlardy jáne sorǵy stansıalaryn salý boıynsha joba daıyn. İske asyrý jobasy 2 kezeńde eseptelgen. Birinshi kezeń boıynsha - 3 alańda rezervýarlardy salý boıynsha jumystar 70%-ǵa oryndaldy.
Ekinshisi boıynsha uzyndyǵy 15 km bolatyn sýmen jabdyqtaýdyń taratýshy ınjenerlik jelileriniń qurylysy qarastyrylýda, biraq bul jerde Kensaı shaǵyn aýdanyndaǵydaı kóshelerdiń tarlyǵy máselesi týyndaýyna baılanysty jumystar bastalǵan joq. Káriz boıynsha merdigerlik uıymmen shart jasaldy (uzyndyǵy 13,4 km). Qazirgi ýaqytta jumystar toqtatyldy, sebebi dáliz joq.