Medeý aýdanynyń ońtústik bóliginde aptap ystyqtyń saldarynan muzdyqtardyń qarqyndy túrde erýi nátıjesinde sýmen jabdyqtaýda shekteý baıqalady. Bul jaǵdaıǵa baılanysty keıbir áleýmettik jeli qoldanýshylary osy aımaqtaǵy aǵashtardyń qýrap ketýi múmkin ekeni týraly aqparat taratty.
Osyǵan baılanysty ortalyqtandyrylǵan sýmen jabdyqtaý jasyl jelekterdi sýarýǵa arnalmaǵanyn jáne paıdalanylmaıtynyn habarlaımyz. Sýarýǵa arnalǵan sý jınaý aryq júıesinen (aýdany - 37,5 ga), 12 motopompanyń, jınaqtaǵyshtyń kómegimen Kishi Almaty ózeninen alynady. Bul sý avtomattandyrylǵan júıeniń kómegimen jalpy aýdany 122,97 ga bolatyn 25 mekenjaıǵa paıdalanylady, sonymen qatar 30 arnaıy tehnıkanyń kómegimen jalpy aýdany 36,75 ga bolatyn 24 aımaq sýarylady.
Jalpy, Medeý aýdanynda jalpy aýdany 197 ga bolatyn 76 jasyl jelek bar, onyń 31-i skver, saıabaq, jasyl aımaq jáne 45-i jol, býlvar, jol aıyryqqa jatady.