Oǵan sebep - et jetkizýdegi shekteýler.
McDonald's jyldam tamaqtaný jelisi Qazaqstandaǵy qyzmetin toqtatyp, basqa ataýmen jumysyn qaıta bastaıdy, dep habarlaıdy Almaty-akshamy.kz.
Food Solutions KZ JSHS basqaratyn McDonald's jyldam tamaqtaný brendi jumysyn toqtatady.
«Oǵan sebep - et jetkizýdegi shekteýler. Jaqyn arada jańa ataýmen jyldam tamaqtaný meıramhanalary qaıta ashylady. Ashylý merzimi qosymsha jarıalanady», dep habarlady McDonald's Qazaqstandaǵy ókildiginiń baspasóz qyzmeti.
Sondaı-aq, kompanıa jańa jeliniń jumysyna qatysty barlyq saýalǵa jaýap beriletinine sendirip otyr.
«Jańadan ashylatyn meıramhanalar jelisi kelýshilerge joǵary sapaly ónimder, baı mázir usynyp, qonaqjaılyq tanytady. Jedel tamaqtaný oryndary jumysyn joǵary standarttarǵa, qundylyqtar men bıznes prınsıpterine sáıkes jalǵastyrady», - delingen resmı habarlamada.