Fransýz shabýylshysy Kılıan Mbappeniń goldyq serıasy madrıdtik "Real" sapynda bes oıynǵa jetti. Jalpy, jańa klýby úshin ol jeti gol salyp, bir nátıjeli paspen kózge tústi.
Kezekti ret fransýz shabýylshysy 25 qyrkúıekke qaraǵan túni "Alaveske" qarsy ótken La Lıganyń 7-shi týry aıasyndaǵy machta gol soǵyp, óziniń sheberligin taǵy da kórsetti. Bul joly ol juldyzdy seriktesi, aǵylshyn oıynshysy Djýd Bellıngemniń dál pasyn sátti paıdalandy.
Osylaısha, Mbappe Ispanıa chempıonatyndaǵy qatarynan besinshi oıynda gol soǵyp, úzdik surmergender tiziminde ekinshi orynǵa jaıǵasty. Ony tek "Barselona" shabýylshysy Robert Levandovskı ǵana basyp ozdy, onyń esebinde alty gol bar. "Alaveske" qarsy mach Mbappeniń "Real" sapyndaǵy toǵyzynshy oıyny boldy, osy ýaqyt ishinde ol 7+1 nátıjelik kórsetkishke ıe. Sońǵy jeńisti machta Kılıan densaýlyǵyna baılanysty 80-mınýtta aýystyryldy, ol aldaǵy kúnderi medısınalyq tekserý ótedi.
Kılıan Mbappe óziniń alǵashqy La Lıgadaǵy goldaryn 1 qyrkúıekte "Betıs" qaqpasyna eki ret soǵyp, (2:0) klýbqa jeńis syılaǵan edi.
Aıta keteıik, ataqty fransýz shabýylshysy jańa klýbynda alǵashqy oıynyn 14 tamyzda ótkizip, birden alǵashqy júldesin - ÝEFA Sýperkýbogyn ıelendi.