Tanymal prodúser Baıan Alagózova áleýmettik jelide "Qazaqtar Islam dinin qabyldamaǵan" degen málimdeme jasaǵan edi. Dintanýshy Danıar Kenjeulyna prodúserdiń sózin synap, "Maxi chaıǵa" boıkot jarıalaýdy usyndy, - dep habarlaıdy Aqshamnews.kz.
Danıar Kenjeuly bul pikirin Threads jelisinde bólisti.
"Baıannyń "qazaqtar Islam dinin qabyldamaǵan" degen sózi - jaı ǵana saýatsyzdyq emes, búkil ulttyń rýhanı tarıhyna qarsy jasalǵan soqqy. Bir halyqtyń sanasyn muqatýǵa, dinı tutastyǵyn mazaq etýge baǵyttalǵan asa qaýipti málimdeme. Qazaq ejelden musylman. Bul - shejireden shegelengen aqıqat. "Musylman bolmaǵansyń" deý - tek dindi emes, tarıhty, rýhty joqqa shyǵarý. Eger júrektegi ıman tiri bolsa, Baıannyń sózi tıtteı de salmaq salyp, jandy túrshiktirse - "Maxi chaıdy" ishpeńder. Boıkot jarıalańdar”, - dep jazdy Danıar Kenjeuly.
Jeli qoldanýshylary dintanýshynyń sózine qarsy pikir aıtyp, Tursen Alagózov pen onyń kompanıasyn qorǵap shyqqan.
"Sen aldymen 100 adamǵa páter syılap kór", "Qyzdardy zorlap jatqanda nege boıkot jarıalamaısyńdar? Áıelin kúıeýi óltirip jatqanda she? Kásip basta, adamdarǵa jumys ber, páter syıla", "Jurtqa manıpýlásıa jasap sen de, "Maxi chaıdyń" ne qatysy bar?!" dep jazǵan olar.