Altynnyń jalpy salmaǵy 124,2 kg quraıdy.
Osy jyldyń maýsym aıynda qazaqstandyqtar ekinshi deńgeıli bankter men jekelegen banktik emes aıyrbastaý pýnktterinen jalpy salmaǵy 124,2 kg nemese 3 188 quıma satyp aldy, dep habarlaıdy Almaty-akshamy.kz.
Qazaqstannyń Almaty, Nur-Sultan jáne Atyraý qalalarynyń turǵyndary arasynda altyn quımaǵa degen suranys joǵary.
Mamandardyń aıtýynsha, altyn quımalardyń bes túri usynylady: 5, 10, 20, 50 jáne 100 g. Satyp alýshylar arasynda eń kóp suranysqa ıe bolǵany – 10 gramdyq quıma. Onyń jalpy satylymdaǵy úlesi 30% – 17 435 dana. Odan keıin 100 gramdyq quıma – 12 801 dana (22%) jáne 20 gramdyq quıma – 11 624 dana (20%), 5 gramdyq quıma – 9 336 dana (16%), 50 gramdyq quıma – 6 772 dana (12%).
«Altyn quımalar senimdi ınvestısıalyq qural bola alady. Bankter men banktik emes aıyrbastaý pýnktteriniń klıentke aqshasyn tólep, quımalardy «kúnbe-kún» satyp ala alatyn múmkindigi – altyn quımalar naryǵynyń ótimdiligin qamtamasyz etýde negizgi faktorǵa aınalyp otyr»,– delingen Ulttyq banktiń baspasóz qyzmetiniń habarlamasynda.
Halyqqa tazartylǵan altyn quımalardy satý jáne satyp alý baǵdarlamasyn Ulttyq Bank 2017 jyly iske qosty. Baǵdarlama júzege asqaly jalpy salmaǵy 2,1 tonna 57 968 altyn quıma satyldy.