QR Parlamenti Senatynyń tóraǵasy Máýlen Áshimbaev Qazaqstan halqyn Konstıtýsıa kúnimen quttyqtady, dep habarlaıdy Almaty-akshamy.kz Inform.kz-ke silteme jasap.
«Barshańyzdy Konstıtýsıa kúnimen shyn júrekten quttyqtaımyn!
Ata Zań – táýelsizdigimizdiń tiregi, memlekettiligimizdiń negizi, eldigimizdiń kepili. Sondyqtan barlyq isimizdiń quqyqtyq bastaýy sanalatyn Konstıtýsıamyzdy ardaqtaý – ár qazaqstandyqtyń abyroıly mindeti.
Bıyl bul merekeniń máni burynǵydan erekshe. Memleket basshysy Qasym-Jomart Kemeluly Toqaevtyń bastamasymen konstıtýsıalyq reforma qolǵa alynyp, halqymyzdyń basym bóliginiń qoldaýymen Ata Zańǵa mańyzdy ózgerister engizildi. Sol sebepti, búgingi merekeni Jańa Qazaqstannyń taban tireıtin berik tuǵyry bolatyn jańartylǵan Konstıtýsıamen atap ótip jatyrmyz.
Konstıtýsıalyq reforma qalyptasqan saıası-quqyqtyq júıemizdi transformasıalaýǵa negiz boldy. Soǵan baılanysty Parlamenttiń jańa sesıasynda qoldanystaǵy zańnamany osy irgeli ózgeristerge sáıkestendirý jumysy qarqyndy jalǵasady.
Konstıtýsıa kúnimen quttyqtaı otyryp, ár shańyraqqa shattyq pen baq-bereke tileımin! Eldigimiz baıandy bolsyn! Ata Zańymyz mártebeli tuǵyrynan túspesin!»,-dedi Senat tóraǵasy Facebook paraqshasyndaǵy jazbasynda.