Álemge ǵylymı kózqaras qalyptastyratyn salalyq jýrnalısıkany damytý kerek. Bul pikirdi Jas sarapshylar klýbynyń kezekti otyrysynda QR Parlamenti Senatynyń tóraǵasy Máýlen Áshimbaev málim etti, dep habarlaıdy almaty-akshamy.kz QazAqparatqa silteme jasap.
Klýb otyrysynda talqylanǵan mańyzdy máselelerdiń biri medıa salasyna qatysty boldy. Máýlen Áshimbaev pandemıa kezeńinde medıakommýnıkasıanyń erekshe ról atqarǵanyn tilge tıek etti.
«Pandemıa kezeńinde naqty málimetter men tekserilgen aqparattardyń tapshylyǵy baıqaldy. Sondyqtan adamdar aqparat kózderine muqıat mán berip, bedeldi medıalarǵa ǵana basymdyq berdi. Budan sapaly jańalyqtar taratatyn jýrnalısıka paıda kórdi. Nátıjesinde álemniń jetekshi aqparat quraldarynyń oqyrmandary kóbeıip qana qoımaı, olardyń aqyly jazylymdary da arta túsken», – dedi Palata tóraǵasy.
Sonymen qatar Máýlen Áshimbaev mundaı úrdistiń keri áseri de baıqalǵanózine tesile qaraǵandaıózine tesile qaraǵandaıyn atap ótti. Belgisizdik pen resmı aqparat kózderine degen senimsizdik feık-nústerdiń jáne ártúrli konspırologıalyq teorıalardyń kóbeıýine ákelip soqtyrǵan.
«Qazirgideı aqparattar aǵynynda adasyp qalmaý úshin adamǵa aq pen qarany ajyratatyn arnaıy bilim kerek. Bul rette jańa zaman adamy úshin medıasaýattylyqtyń mańyzy zor ekeni sózsiz. Menińshe, osy trendti eskerip, Qazaqstanda álemge ǵylymı kózqaras qalyptastyratyn salalyq jýrnalısıkany damytýǵa jáne ǵylymdy dáripteıtin qoǵamdyq pikirdiń kóshbasshylaryn daıyndaýǵa kóńil bólgen jón. Bul medıa salasynyń sapasyn arttyrýǵa múmkindik beredi», – dedi Máýlen Áshimbaev.