Máýlen Áshimbaev áýe apatynan qaza tapqandardyń týystaryna kóńil aıtyp, Senat otyrysyn ashty
Senat tóraǵasy Máýlen Áshimbaev Aqtaý mańynda bolǵan qaıǵyly áýe apatyna baılanysty pikir bildirdi. Azerbaijan Airlines áýe kompanıasyna tıesili ushaq apaty saldarynan 38 adamnyń ómiri qıyldy, dep habarlaıdy aqshamnews.kz
«Keshe Mańǵystaý oblysynda bolǵan áýe apaty bárimizdi tereń qaıǵyǵa bóledi. Ókinishke qaraı, ekıpaj músheleri men jolaýshylar qaza tapty. Olardyń arasynda Qazaqstan azamattary da bar. Barlyq qaza tapqandardyń jaqyndary men týystaryna kóńil aıtamyz,» — dedi Áshimbaev.
Sondaı-aq, Senat tóraǵasy Prezıdenttiń tapsyrmasymen memlekettik komısıa qurylǵanyn atap ótti. Qazirgi tańda barlyq quzyrly organdar men qyzmetter qutqarý operasıasy aıasynda qajetti sharalardy qolǵa alǵan.
Máýlen Áshimbaev qutqarýshylar men medısına qyzmetkerleriniń úılesimdi jumysy zardap shekkenderdiń tezirek saýyǵýyna oń áserin tıgizedi degen úmitin bildirdi.