Sapaly zań bolady.
Qazaqstannyń Aqparat jáne qoǵamdyq damý mınıstri Darhan Qydyráli BAQ týraly jańa zań jobasynda jýrnalıserdiń mártebesin kóterý máselesi qamtylatynyn aıtty, dep habarlaıdy Almaty-akshamy.kz QazAqparatqa silteme jasap.
Búgin Parlament Májilisindegi baspasóz máslıhatynda tilshiler mınıstrden BAQ týraly jańa zań jobasyn ázirleý men jýrnalıserdiń mártebesi týraly suraq qoıdy.
«Bul massmedıa týraly zań jobasyna erekshe mán berip otyrmyz. Osy oraıda jumys toptary halyqaralyq uıymdarmen, sarapshylar keńinen talqylaý júrgizedi. Jýyq arada ony portalǵa shyǵaramyz», - dedi D. Qydyráli.
Bul turǵyda jýrnalıserge mártebe berý máselesin, aqparat alý múmkindigin jeńildetý, sondaı-aq tilshilerdiń jumystaryna qatysty kóptegen artyqshylyq qarastyrylyp otyr.
«Sondyqtan massmedıa týraly zań jobasy jýrnalıserdiń quqyǵyn qorǵaýǵa baǵyttalǵan. Halyqaralyq uıymdarmen pikir almasyp jatyrmyz, úzdik tájirıbelerdi nazarǵa alamyz. Atap aıtqanda, sapaly zań bolady dep oılaımyn», - dedi mınıstr.
Budan buryn habarlanǵandaı, bıyl qazan aıynda Aqparat mınıstri BAQ týraly jańa zań jobasynda birshama jańashyldyq bar ekenin aıtqan edi.