Máskeý qalasynda S.A.Gerasımov atyndaǵy Búkilreseılik kınematografıa ýnıversıtetiniń uıymdastyrýymen TMD qatysýshy-memleketteriniń “Vosqojdenıe” halyqaralyq stýdenttik kınofestıvali ótti, dep habarlaıdy aqshamnews.kz.
Festıvál aıasynda shyǵarmashylyq joǵarǵy oqý oryndary rektorlarynyń kezdesýi, stýdenttik kınojobalar kórsetilimi, ǵylymı-praktıkalyq konferensıalar josparlanypty.
Temirbek Júrgenov atyndaǵy Qazaq ulttyq óner akademıasynyń rektory Arman Júdebaev S.A.Gerasımov atyndaǵy Búkilreseılik kınematografıa ýnıversıtetiniń rektory Vladımır Malyshevpen jeke kezdesý ótkizip, eki bilim ordasynyń ózara yntmaqtastyq qarym-qatynasyn odan ári tereńdetý, birikken stýdenttik kınojobany júzege asyrý, profesor-oqytýshy quram ókilderiniń almasý tártibimen sheberlik saǵattaryn ótkizý, stýdentterdiń jazǵy mektepterge qatysýy sıaqty mańyzdy máselelerdi talqylap, oń sheshimder qabyldady.
Reseıdegi jetekshi shyǵarmashylyq oqý ordasymen ortaq jobalardy júzege asyrý, mamandardyń biliktiligin arttyrý jáne halyqaralyq tájirıbe almasý isine den qoıý — Akademıanyń basty ustanymy.
Temirbek Júrgenov atyndaǵy Qazaq ulttyq óner akademıasynyń «Kıno jáne TV» fakúltetiniń stýdentteri Tileýberdi Turapbekulynyń «Jalǵyz jandar» fılmi festıváldiń GRAN-PRI ıegeri atansa, Islam Bahtygýlovtyń «Lúk» fılmi «ÚZDİK SENARI» nomınasıasynyń jeńimpazy atandy.
