Bas sanıtar dárigerdiń jańa qaýlysy shyqty
QR Bas sanıtar dárigeriniń jańa qaýlysy boıynsha, maska rejımi saqtalýy tıis nysandarǵa qoıylatyn talaptar belgilendi, dep habarlaıdy Almaty-akshamy.kz QazAqparatqa silteme jasap.
«Osy qaýlyǵa qosa berilgen 1-qosymshaǵa sáıkes, memlekettik organdarǵa (uıymdarǵa), ulttyq kompanıalarǵa, bıznes-ortalyqtaryna jáne basqa da keńselerge qoıylatyn talaptardy saqtalsyn», - delingen qaýlyda. Ol talaptar mynadaı:
1. Jumys oryndaryn jáne kelýshiler úshin bólmelerin turaqty jeldetip otyrý qajet.
2. Obektiniń úı-jaılaryna maskasyz kirýge jol berilmeıdi, ǵımaratqa kelýshilerdiń 5 jasqa deıingi balalardan basqalardyń bári mindetti túrde maska kıýi qamtamasyz etiledi.
3. Kireberiste, holda, sanıtarlyq toraptarda teri antıseptıgi bar sanıtaızerler ornatylady.
4. Organnyń (uıymnyń) ákimshiligi: 1) sanıtarlyq toraptar jeke gıgıena quraldarymen (suıyq sabyn, antıseptıkter); 2) jumys kúni ishinde maskalardy olardy ýaqtyly aýystyrý shartymen paıdalanýdy; 3) antıseptıktermen jumys oryndaryn; 4) qyzmetkerler arasynda jeke/óndiristik gıgıena qaǵıdalaryn saqtaý jáne olardyń múltiksiz saqtalýyn baqylaý qajettiligi týraly nusqama júrgizýdi qamtamasyz etedi.
5. Obektilerdiń aýmaǵy jáne barlyq úı-jaılar taza ustalady, kún saıyn qoqystan jáne lastan tazartylady.
6. Barlyq úı-jaılardy jınaý jýý jáne dezınfeksıalaý quraldaryn qoldana otyryp, kún saıyn ylǵaldy tásilmen jeldetý júrgiziledi.
7. Dezınfeksıalaý júrgizý úshin Qazaqstan Respýblıkasy men Eýrazıalyq ekonomıkalyq odaq aýmaǵynda tirkelgen jáne belgilengen tártippen qoldanýǵa ruqsat etilgen jáne Eýrazıalyq ekonomıkalyq odaq elderiniń memlekettik tirkeý týraly kýálikteriniń biryńǵaı tizilimine engizilgen quraldar qoldanylady.
8. Dezınfeksıalaý quraldary vırýstyq ınfeksıalar kezinde dezınfeksıalaý rejımi kórsetilgen olarǵa qosa beriletin nusqaýlyqtardy qatań saqtaǵan kezde qoldanylady.
9. Dezınfeksıalaý quraldarynyń jumys eritindilerin daıyndaý arnaıy bólingen orynda júzege asyrylady. Dezınfeksıalaý quraldary ónim berýshiniń ydysynda (qaptamasynda) zattyń ataýy, onyń maqsaty, zattańbadaǵy jaramdylyq merzimi kórsetile otyryp saqtalady. Ydystyń zattańbasy dezınfeksıalaý quralyn saqtaýdyń (paıdalanýdyń) barlyq kezeńinde saqtalady.
10. Tehnıkalyq personal (tazalaýshy áıelder) dezınfeksıalaýdy jeke qorǵanysh quraldaryn: halat, qolǵap, medısınalyq maskany paıdalana otyryp júrgizedi.
11. Densaýlyq jaǵdaıy boıynsha qarsy kórsetilimderi joq kámeletke tolǵan adamdar dezınfeksıalyq quraldarmen jumys isteıdi.