SpaceX kompanıasynyń basshysy, amerıkalyq mıllıarder Ilon Mask xAI startapy jasandy ıntellektke negizdelgen Grok chat-botynyń balalarǵa arnalǵan nusqasyn jasaýdy josparlap otyrǵanyn aıtty, - dep habarlaıdy aqshamnews.kz tilshisi.
Jańa servıs Baby Grok dep atalady.
"Biz xAI aıasynda Baby Grok jasap jatyrmyz. Bul balalarǵa arnalǵan (qaýipsiz) kontentti usynatyn qosymsha bolady", - dep jazdy Ilon Mask X áleýmettik jelisindegi paraqshasynda.
SpaceX Masktyń xAI startapyna 2 mıllıard dollar ınvestısıa salmaq.
Aıta keteıik, Ilon Mask bıyl aqpanda Grok 3 nusqasyn "Jer betindegi eń aqyldy jasandy ıntellekt" dep ataǵan bolatyn. Alaıda shildede Grok chat-boty daýǵa qaldy: tanymal bot X jelisinde qoldanýshylardyń suranysyna jaýap retinde antısemıttik pikirler aıtyp, Adolf Gıtlerdi madaqtap, ózin "meha-Gıtler" dep ataǵan. Qoldanbany ázirleýshiler bul jazbalardy jedel óshirip, mátindik jaýaptarǵa shekteý qoıdy. xAI kompanıasy máseleni sheship jatqanyn jáne súzgini kúsheıtkenin málimdedi.
Bul oqıǵa Masktyń kópten kútken Grok 4 nusqasyn tanystyrýyna daıyndyq kezinde bolǵan. Ol jańa nusqanyń aıtarlyqtaı jetildiriletinin ýáde etken, biraq naqty qandaı ózgerister bolatynyn áli ashyp aıtqan joq.