Kóne úlgidegi etiktiń músini bas qalaǵa týrıserdi tartady degen senim bar.
Alyp másiniń tas músini osydan birer aı buryn Astananyń Esil aýdanynan boı kótergen edi. Ózi betonnan quıylyp, túrli tústi maltamen bezendirilgen. Aıta keterligi, mozaıkaǵa arnalǵan mundaı shyny qazir esh jerde kezdespeıdi. Jarty ǵasyr buryn óndirilgen materıal osyǵan deıin bir qoımada kereksiz bop jatqan.
Týyndy avtorlary ony izdep-taýyp, músindi quıǵansha 1 jyl ýaqytyn sarp etken.
Músinshi Mansur Smaǵambetovtyń aıtýynsha, bul yrymnyń óz syry bar. Ótken ǵasyrda aǵylshyn ǵalymdary Jetisý óńirinen áıel adamǵa tıesili mási taýyp alǵan. Búginde sándi etik Ulybrıtanıanyń ulttyq mýzeıinde sol qalpynda saqtalyp tur. Tumandy Albıonǵa jetken qundy jádiger jalpaq jurtqa qazaq mádenıetinen syr shertedi. Másiniń tańqalarlyq tarıhyna úńilgen avtorlar joly juǵysty bolsyn degen nıetpen osyndaı yrym shyǵarady.
- Turǵyndar men qala qonaqtaryna qyzyq bolar jobany qurylys kompanıasy men mádenıet jáne sport mınıstrligi qoldady. "Osy sıaqty biregeı týyndylarlyń sanyn arttyrý qajet. Tek ol úshin shyǵarmashylyq qaýymdy qoldaýmen qatar, oǵan tıisti talap qoıylsa", -deıdi Mansur Smaǵambetov.