Byltyr kúzde kásipker jáne Aqtóbe qalalyq máslıhatynyń depýtaty Saná Mýratova mas kúıinde kólik júrgizgeni úshin ustalǵan bolatyn.
İshimdik iship rólge otyrǵan burynǵy depýtat qoǵamdyq keńeske múshe boldy, dep habarlaıdy aqshamnews.kz «Dıapazon»-ǵa silteme jasap.
Qoǵamda úlken rezonans týdyrǵan oqıǵadan keıin Saná Mýratova depýtattyq ókilettiligin toqtatqan bolatyn. Sot ony syrttaı jeti jylǵa júrgizýshi kýáliginen aıyryp, 15 táýlikke qamaýǵa alǵan edi.
Bul joly Saná Mýratova Aqtóbe oblysynyń qoǵamdyq keńesiniń jańa múshesi retinde eldiń nazaryn ózine aýdardy. Bul taǵaıyndaý qala turǵyndarynyń narazylyǵyn týǵyzdy. Kóptegen aqtóbelikter mas kúıinde kólik júrgizgen eks-depýtattyń qoǵamdyq múddelerdi qalaı qorǵaı alatynyna tańdanys bildirýde.
Qoǵamdyq keńestiń ókilettigi keń. Onyń músheleri memlekettik organdardyń qyzmetin talqylaýǵa jáne sheshim qabyldaýǵa qatysyp, atqarýshy organdardyń qyzmetine baqylaý jasaıdy, olardyń jumysynyń ashyqtyǵyn qadaǵalaıdy.