QR Eńbek jáne halyqty áleýmettik qorǵaý mınıstrligi «Ashyq NQA» portalynda talqylaý úshin Kásiptik oqytýdy uıymdastyrý jáne qarjylandyrý qaǵıdalaryna túzetýler jobasyn ázirledi jáne ornalastyrdy, onyń sheńberinde Skills Enbek onlaın-platformasyndaǵy kýrstar praktıkalyq sabaqtarmen, onyń ishinde vırtýaldy shyndyq tehnologıalaryn paıdalana otyryp tolyqtyrylatyn bolady.
Osy jańashyldyqty iske asyrý úshin Mansap ortalyqtarynda bilim alýshylar VR shlemder men noýtbýkterdi paıdalana alatyn arnaıy jabdyqtalǵan kabınetter paıda bolady, dep habarlaıdy almaty-akshamy.kz.
Túzetýler jobasy «Ashyq NQA» portalynda a. j. 1 tamyzyna deıin jarıa talqylaý úshin ornalastyrylǵan: https://legalacts.egov.kz/npa/view?id=15141972.
Esterińizge sala keteıik, Skills Enbek kásiptik oqytý platformasy qazaqstandyqtarǵa onlaın-kýrstardan ótý arqyly jańa daǵdylar men tipti kásipter alýǵa múmkindik beredi. Tek 2024 jyly 61 myńnan astam azamat oqýdan ótip, tıisti sertıfıkattar aldy.
Búgingi tańda Skills Enbek portalynda 500-ge jýyq kýrs ornalastyrylǵan, onyń jartysynan kóbi tegin. Kýrstardyń uzaqtyǵy 1-den 72 saǵatqa deıin.
Oqýǵa tikeleı https://skills.enbek.kz/ siltemesi arqyly nemese enbek.kz saıtynda «Onlaın oqytý» bólimin tańdaý arqyly qol jetkizýge bolady.